قصيدة لاول مرة تنشر للشاعر الكبير / عبد الله بن باتل
اسري بليل وبرق وانغام ونجوم
وأزري على اللي يهتني بمنامه
جحافل من المز غربه مردوم
وشرقه مزنن يتبدر أركامه
فاهم ومتفاهم ويفهم ومفهوم
وإن كان انت منهم فنت عندك فهامه
راودي الإحساس بفكر مهضوم
وتوسلتني العاطفة بأنسجامه
وقامن يحدني على سر مكتوم
أبطى وصار أبداع عقب إنكتامه
ولي الفخر فيهن ولاني بموهوم
أركبن اركوب عقال فوق العمامه
سبحان رب البيت حاكم ومحكوم
اللي نهاره يسلخه من ظلامه
ربن عليه الرزق لصقر والبوم
ماراح رزق الغراب يم الحمامه
ياشاتم اشتم مادرى عنك مشتوم
ولا يجني الشاتم غير الملامه
مقطع موسيقي لأغنية لأم كلثوم
تسوى رديً يبلشك في أخصامه
وإبن الردي لو قال مايصير زيزوم
مافيه أمل يمكن تطير النعامه
مالك إلا تنساه وتبعد عنك الحوم
والمحترم حقن عليك أحترامه
عني فيه وفيه لا أشري ولا اسوم
أبعد من أسكاكا عن أقصى تهامه
ماخلدت كسرى ولا قيصر الروم
وملوك عاش وقت الزعامه
عاشوا حقيقة وافنت كنها أحلوم
وافنت بعدهم ناطحين الجهامه
وماتبقى الأرض شيء علقوم
الشيء بالشيء يفنى ساعة تمامه
ولا أقول ظالم ولا نيب مظلوم
وكلن يبي يحاسبه ربه عن كلامه
قصيدة شاعر شوفوا الظلم والحكم اللي يقولها
العرض العادي
